تفائلوا............تنالوا

نفسى بجد اعرف انت/انتى زعلان ليه؟طب زعلان وعاطى ظهرك للدنيا ليه؟؟زعلان علشان مجبتش حاجة نفسك فيها؟؟زعلان علشان سابك حبيبك اللى متقدرش تستغنى عنه؟؟ولا زعلان من نفسك بقى؟؟ ولا ولا ولا.....................عارف ان لكل واحد فينا سبب يزعله.

بس فى الآخر اعرف ان ربك علام الغيوب ونصيبك مكتوب وخدها نصيحة منى ارجع لربك وتوب

انت عارف/ عارفة ربك خلاك تزعل ليه؟؟عارف إجابتى المتواضعة هى ايه؟؟

هى:ان ربك نفسه انك ترجع ليه بجد وتحتاجله.

إسأل اى شاب / شابة نفسك فى إيه؟؟ يقولك: نفسى ارتبط بواحدة حلوة ومحترمة وافرح فى حياتى معاها ويعدلك اجمل الصفات.طب سؤال بسيط كده؟؟ هى الصفات دى فيك؟؟طب بلاش دى طب فكرت مرة تجاوب عن السؤال ده وتقول نفسى ارتبط بربنا واعمل اللى يرضيه علشان يرزقنى بالإنسانة اللى بتمناها.ولد انت هو وانتى كمان يا آنسة: انت / انتى لسه داخل دنيا ونفسك تحب وتتحب بس نصيحة منى اوعى اوعى اوعى تستعجل على نصيبك لأن صدقنى هتندم بدرى اوووى.

عارف حبك اللى بجد هو اللى يبتدى بدقة قلب.

الحب اللى بجد هو اللى قلبك يدق ليه مش مجرد مشاعر إعجاب لأن البنت الحلوة ما شاء الله والواد ده شاطر وأموور يا خراابى عسل اووى.

لأ لأ لأ اوعى تحب / تحبى بالطريقة دى سيب قلبك هو الحكم وصدقنى لكل واحد فينا انسان بيخاف عليه وبيحبه وافتكر ان انت / انتى وانت لسه مخرجتش للدنيا وأمك الجنة شايلاك فى بطنها مكتبلك هترتبط بمين.

طيب فى الأول كده قلبك هيدق لواحد / لواحدة اعرف ساعتها انك بتحبه بس استنى انت وهى متسرعش كده اصبر ان الله مع الصابرين.

سؤال لكل شاب / آنسة مين فكر فينا قبل ما يعبر عن المشاعر اللى جواه يصلى صلاة استخارة علشان ربنا يكون هو مرشدك ويختارلك شريك حياتك اللى هتعيش معاه اكتر ما عشت مع بابا وماما.طيب خلاص ربنا اختارلك وعدت الخطوة دى على خير بعد كده اعترفلها بمشاعرك بالطريقة اللى تناسب دينك وتناسبك كإنسان محترم.

على فكرة انا سامعك بتقولى ازااى؟ اقولك ازااى :

فكرت فى يوم من الأيام تخليها تعترف لبابا وماما عن حبك ليها ومشاعرك نحبتها وتحكيلهم عنك بجد حلو الاحساس ده اووى ان كل حاجة ماشية بحلال ربك اللى خلقك.

طيب فكرت بقى فى كل صلاة ليك تقول: يا رب انى احببتها فيك فارزقنى بها ياا رب اجمعنى بها فى حلالك واجعلها فخراا لها ولأهلها واسعدها فى دنياها واخرتها فكرت تعمل كده ياللى بتقول على نفسك رومناسى وحبيب اخر حاجة.

عارف بعد كده هتلاقيها حبتك اووى وقربت منك اووى وانت دورك بقى كشاب محترم هو انك متستغلش المشاعر دى لأن البنت ساعة ما تحب بجد خلاص بيبقى صعب عليها اوى انك تجرحها او تتغير فى معاملتك ليها او تبعد عنها واعرف ان اختك او قريبك او انت جاى عليك الدور.

عاارفين يا جماعة ساعة ما بسمع عن حالات الانهيار والحزن الشديد والاكتئاب بسبب موضوع الحب ده بلاقى ان السبب هو البعد عن ربنا.

على فكرة الاسلام محلل الحب بس خلاه بطريقة إسلامية ليها اسسها علشان متطورش المشاعر دى وتخرج عن حلال ربنا لحرامه.

عارفين ان سميت الموضوع تفائلوا ليه لأن عاوز اوجه النصيحة لكل واحد او واحدة عاوز يحب او مر بتجربة حب لم توفق انه ميفكرش ان الحياة انتهت خلاص ومعتش حاجة نعيش علشانها راح فين ابوك وامك اغلى حاجة عندك راح فين اخواتك صدقونى يا جماعة موضوع الحب ده مش بينجح الا لو كان ماشى بحلال ربنا.

عارفين عبارة مفيش حب الا بعد الجواز دى عبارة غلط اووى اوووى كمان عارف حبك لربك هو اللى هيوصلك لحب عبده اللى هو حبيبك / حبيبتك.

ومستعجلش على موضوع الحب ده لأن ربنا شايلك الخير والله وسيبك بقى من المواضيعد دى وركز فى مستقبلك وصدقنى هيجى اليوم اللى تلاقى نفسك فيه بتتحب وبعد كده عروس / عروسة زى القمر وبعد كده ماما وبابا وحياتك هتحلوو اووى دايما عيش على أمل ان ربك هيفرحك.

ربنا بيحب عباده اوى وشايلهم الخير فاوعى تكتئب وتقول ليه كده يا رب اوعى الكلمة دى تخرج من لسانك ربنا بيحبك؟وصدقنى لو ربنا بعدك عن حاجة نفسك فيها فاعرف ان هو عارف ان هى هتضرك اكتر ما تنفعك وموضوع الحب ده ليه قاعدة تانية بإذن الله وانا حبيت اعرضه على زمايلى لأنى عارف ان كل واحد فينا بيحس بالمشاعر دى وان احنا داخلين على كليات وهنشوف ناس كتيرة وهنتعلم حاجات اكتر.

أنا احبكم جميعا فى الله وانا حابب ادعى فى الآخر وقول ربى انى احببتها فيك فارزقنى بها واجمعنى بها فى حلالك وتجاوز عن سيئاتنا واغفر لنا وارحمنا انك انت التواب الرحيم

قال الله تعالي

(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ

إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))

صدق الله العظيم

via منتديات ماجدة http://majdah.maktoob.com/vb/majdah318882/?amp;goto=newpost