يا بلدى
بنزرع القمح يطلع فى سنين
والقرع فيك يطلع فى ثوانى
ولما تخضر الأرض نجيل
نقول ممكن نربى عليه المواشى
*****
ونخبى الشوق جوانا
والزعل يطلع جحيم يغوانا
لا نبيع ولا نشترى
والسوق يفض
وتبقى البضاعة غوانى
*****
والأرض تفضل بور
لما يغيب المطر
والقهر فينا فت الكلاوى
قلعنا السواقى بإيدينا
وقلنا بكرة نحفر مراقى
*****
سكن أعالينا البوم
والفار بنى فى أرضنا مخابى
وباب الطحون إتقفل
لمل أرضنا صبحت بوارى
والكوسه بقى لها لزوم
لما الجوع فى الخلق
حش الضماير
*****
وصرنا فى الأرض عربون
بين بايع وبين شارى
نتسول العيش بالغنا
ونبكى فى غنانا
على الأيام الخوالى
*****
خليك يا ابن عمى واخوى
حكيم
واحلف واقسم يمين
إنك ما تزرع شوك فى الطين
تقول هوه طعام الخلايق
إزرع وابذر بذور الرضا
وجدد زمن السواقى
يكون زرعنا مقبول
تاكله الناس ومعاها المواشى
والكوسة تموت مع الأيام
وتتكسر بيها الأوانى
تحياتى
سيد يوسف الجهنى
via منتديات ماجدة http://majdah.maktoob.com/vb/majdah321414/?amp;goto=newpost
ليست هناك تعليقات:
إرسال تعليق